Прокуратура Алматыдағы "Альфа банк" бөлімшесінің тоналғанын растады

Алматыдағы Бостандық ауданының прокуратурасы 27 маусымда кешкі уақытта қай банктің тоналғанын айтты, - деп хабарлайды Tengrinews.kz тілшісі.

"Альфа Банк" ресми түрде зардап шегіп отыр. Тонау дерегін аудандық прокуратура өз бақылауына алды. Тергеу шаралары жүргізіліп жатыр", - деді Бостандық ауданының прокуратура өкілдері.

© Tengrinews.kz

"Бұл банктің қызметіне еш әсер еткен жоқ. Тергеу жалғасып жатыр", - деді "Альфа Банк" баспасөз қызметіндегілер.

Еске сала кетейік, осыған дейін Алматы қалалық ІІД өкілдері екінші деңгейдегі банктердің бірі тоналғаны туралы мәліметті ресми түрде растаған болатын. Тонау дерегіне қатысты ҚР Қылмыстық кодексінің 191-бабы ("Тонау") бойынша іс қозғалды. Ұрылар ірі көлемде қаражатты алып кеткен.