Қарағанды мен Қарағанды облысының экс-әкімдерінің жазасы жеңілдетілді

Қарағанды мен Қарағанды облысының бұрынғы әкімдерінің жазасы жеңілдетілді, - деп хабарлайды Tengrinews.kz тілшісі облыстық соттың баспасөз қызметінің өкілдеріне сілтеме жасап.

Қарағанды облысының бұрынғы әкімі Бауыржан Әбдішев жазасы бес жылдан үш жыл бас бостандығынан айыруға жеңілдетілсе, қаланың экс-әкімі Мейрам Смағұловтың үкімі үш жылдан екі жылға дейін қысқарды. 

Екі әкім де өткен жылдың соңында өңірдегі сыбайлас жемқорлық ісі бойынша сотталған еді. Бұл істе жалпы 21 адам фигурант болды, олар жеті эпизод бойынша айыпталды.

Осыған дейін сот экс-премьер-министр Серік Ахметовтің жазасын 10 жылдан сегіз жылға қысқартқан еді.