Қазақстандық 180 дана Nokia телефонын елімізге заңсыз алып өтпек болған

Көрнекі сурет. © 1news.az

Еліміздің шығысында орналасқан "Қорғас" бақылау-өткізу бекетінің (Қазақстан - Қытай шекарасы) шекара жасағы контрабандалық жолмен ұялы телефондарды өткізбек болған қазақстандық азаматты ұстады, - деп хабарлайды Tengrinews.kz тілшісі ҚР ҰҚК ШҚ баспасөз қызметіне сілтеме жасап.

1993 жылы туылған азаматтың заңсыз алып өтуге тырысқан жүгі - 180 дана Nokia телефоны болып шықты. Ұсталған адам Қытайдан Қазақстанға жаяу өтпек болыпты.

Мемлекеттік шекара арқылы қазақстандық заңдылықтарды бұзып, тауар өткізуге тырысушылық дерегі бойынша акт толтырылып, ол жергілікті "Алтынкөл" кеден бекетіне берілгені хабарланып отыр.