Қостанай облысында ер адам туған баласын өлтіріп, артынан өзіне қол жұмсаған

Қостанай облысында ер адам баласын өлтіріп, артынша өзіне қол жұмсаған, - деп хабарлайды Тengrinews.kz тілшісі Кstnews.kz порталына сілтеме жасап. 

Басылымның ақпараты бойынша, 44 жастағы ер адам 4 жастағы баласын өлтіріп, артынан өзіне бірнеше рет пышақ салған. 

Ер адам Жетіқара ауруханасына бүгін түнде жеткізіліп, сол жерде қайтыс болған. Таңертең денесін ашу жоспарланған. Алайда, дәрігерлер қандай да бір ақпарат беруден бас тартып отыр. 

Жергілікті тілшілер ІІД баспасөз қызметінің өкілдеріне сауал жолдады.