Риддерде төрт баланың анасын азаматтық некедегі күйеуі пышақтап өлтірді

Риддерде төрт баланың анасын азаматтық некедегі күйеуі пышақтап өлтірді, - деп хабарлайды Yk-news.kz. 

Басылымның хабарлауынша, қайғылы оқиға болардан бірнеше ай бұрын олардың үйі өртеніп кеткен. Баратын жері болмаған олардың үлкен балалары туыстарының үйіне көшкен. Ал кішкентай екі баласы мен ерлі-зайыпты моншада түнеп жүріпті. Олар кейін балалар үйіне жіберілді. Қайғылы оқиға болатын күні ерлі-зайыпты моншада отырып алкогольді ішімдік ішеді. Ұрыс шығып, 39 жастағы әйел күйеуіне балаларының әкесі басқа адам екенін айтады. Ашулы ер адам әйеліне бірнеше жерден пышақ сұғып, оқиға орнынан қашып кеткен. Полицейлер оны ұстады.

Айта кетейік, ШҚО мамандандырылған ауданаралық соты қылмыскерді 10 жылға бас бостандығынан айырды. Ол қайтыс болған әйелдің туыстарына бір миллион теңге өтемақы төлеуге міндеттелді.