"Сайттарда танысып, ұйықтататын дәрі берген". Алматыда қыздарды тонаумен айналысқан ер адам ұсталды

Алматының Әуезов ауданының жедел қызметкерлері сайттарда қыздармен танысып, оларға ұйықтататын дәрі беріп, артынша қыздарды тонап жүрген ұрыны ұстады, - деп хабарлайды Tengrinews.kz тілшісі Алматы қалалық ІІД баспасөз қызметіне сілтеме жасап.

"Осыған дейін осыған ұқсас қылмыс үшін сотталған күдікті Өзбекстанның 1981 жылғы азаматына қатысты іс қайта өндіріске алынды. Ол 2015 жылы ҚР Қылмыстық кодексінің 188-бабының 2-бөлігі бойынша қылмыстық жауапкершілікке тартылған", - деп хабарлады полициядағылар.

ІІД мәліметінше, ол қылмысын бұрынғы әдіспен жасаған.

"Танысу сайттарында қыздармен танысып, хат алмасып, оларды жалдамалы пәтерлерге кездесуге шақырған. Кейіннен қыздарға ұйықтататын дәрі беріп, оларды тонап кетіп жүрген. Қыздар ұйықтап қалған кезде олардың ақшалары мен заттарын алып кетіп жүрген. Бір сөзбен айтқанда, сатуға немесе өткізуге болатын заттардың барлығын алып кетіп жүрген. Осыған байланысты ер адамнан зардап шеккендкерден ІІБ-не мына нөмірлер бойынша хабарласуларын сұраймыз: 298-53-02; 298-53-62 немесе 102", - деді Әуезов ауданының Ішкі істер басқармасы басшысы Есен Ысқақовтың баспасөз қызметіндегілер.