Саран қаласында пышақ ұстаған қарақшы дүкен сатушысына шабуыл жасады

Қарағанды облысында Саран қаласында қайғылы оқиға орын алды, - деп хабарлайды Tengrinews.kz тілшісі.

Желіде Саран қаласындағы дүкендердің бірінде қарақшының сатушыға пышақ сұққаны көрінетін видео тарады.

Қарағанды облысы ПД баспасөз қызметі бейнежазбаға түсініктеме берді. Ведомствоның мәліметінше, Саран қаласында 27 жастағы тұрғынның денесі табылған. Бұл оқиға бойынша зорлық-зомбылықпен өлім белгілері бар қылмыстық іс қозғалған.

"Күдікті адамды анықтау және ұстау мақсатында облыстың ішкі істер органдарының барлық жеке құрамы бағдарланған. Полиция департаменті қызметкерлерінің арасынан жедел-тергеу тобы құрылды. Жедел-іздестіру іс-шаралары жүргізіліп, оқиғаның мән-жайы анықталып жатыр", - деп хабарлады Қарағанды облысы полиция департаментінің баспасөз қызметі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!