Шекарадан ұлтарағына марихуана алып өтпек болған ер адам ұсталды

Шекарадан ұлтарағына марихуана алып өтпек болған ер адам ұсталды, - деп хабарлайды Tengrinews.kz тілшісі ҚР ҰҚК Шекара қызметінің баспасөз қызметіне сілтеме жасап.

Ведомство мәліметінше, Қазақстан-Өзбекстан шекарасында Өзбекстан азаматы ұлтарағына есірткі заттарын алып өтпек болған. 

© ҚР ҰҚК Шекара қызметінің баспасөз қызметі

"Сарыағаш шекара жасағының "Капланбек авто" өткізу пунктіндегілер шамамен 50 грамм марихуана алып өтпек болған Өзбекстан азаматын ұстады. Ол Қазақстаннан Өзбекстанға жаяу кетіп бара жатқан. Ер адамның аяқкиімін тексеру барысында оның ұлтарағынан есірткі заты табылған", - деп хабарлады ҚР ҰҚК Шекара қызметінің баспасөз қызметіндегілер.