Семейде қоқыс жәшігінен жаңа туған нәресте табылды

Семейде қоқыс жәшігінен жаңа туған нәресте табылды, - деп хабарлайды Tengrinews.kz тілшісі.

Абай облысының Полиция департаменті өкілі мән-жайды айтты. 3 ақпанда Әуезов полиция бөлімінің кезекші бөліміне Семей қаласында қоқыс контейнерінен сүлгіге оралған жаңа туған нәрестенің мәйіті табылғаны туралы хабарлама түскен. Оқиға орнына жедел тергеу тобы барған.

"Алғашқы іс-шаралар барысында үй жағдайында босанған 20 жастағы қыз анықталды. Оның айтуынша, нәресте тіршілік белгілерінсіз туған. Сондай-ақ, соталды тергеу барысында нәрестенің мәйітін контейнерге тастаған қала тұрғыны анықталды", - деп жазылған хабарламада.

Бұл дерек бойынша соталды тергеу басталды.

"Нәрестенің мәйіті сараптамаға жіберілді, оның нәтижелері бойынша процессуалдық шешім қабылданып, оқиғаға қатысы бар екі адамның әрекетіне құқықтық баға беріледі", - деді өңір полициясы.

Сілтемесіз жаңалық оқисыз ба? Онда Telegram желісінде парақшамызға тіркеліңіз!