+7 (777) 001 44 99
Қазақша
Русский
English
01 сәуір 2021 | 11:30
ШҚО-да әйел киімін киген ер адам шағын несие ұйымын тонап кетті
Шығыс Қазақстан облысында әйел киімін киген ер адам шағын несие беретін кеңсені тонап кетті, - деп хабарлайды Tengrinews.kz тілшісі аймақтық Полиция департаментіне сілтеме жасап.
ПОДЕЛИТЬСЯ
Шығыс Қазақстан облысында әйел киімін киген ер адам шағын несие беретін кеңсені тонап кетті, - деп хабарлайды Tengrinews.kz тілшісі аймақтық Полиция департаментіне сілтеме жасап.
Ведомствоның баспасөз қызметі оқиғаның 21 наурызда Риддерде болғанын хабарлады. Сағат 11.30 шамасында кезекші бөлімге қала тұрғынынан қоңырау түскен. Ол шағын несие беретін ұйымдардың бірінің кеңсесін тонап кеткенін жеткізген. Сонымен қатар, жәбірленуші күдікті қомақты ақша ұрлап кеткенін және оның әйел екенін хабарлаған.
"Оқиға орнына дереу жедел-тергеу тобы, сондай-ақ криминалдық полиция қызметкерлері жіберілді. Құқық қорғау органдарының қызметкерлері қаскүнемнің жақын маңдағы тұрғын үй ауласына жасырынғанын байқаған. Күдікті әйел бір сағат ішінде ұсталды. Ол бұрын ауыр қылмысы үшін сотталған 45 жастағы ер адам екені анықталды", - деп хабарлады ПД өкілдері.
Күдікті кеңсені тонауды ұзақ уақыт жоспарлап жүрген. Ол Риддердегі базарлардың бірінде орналасқан.
"Ер адам әйелдердің сырт киімін, өкшесі бар ақ етік киіп, жасанды шаш тағып, бет-әлпетін медициналық маскамен жасырған. Кеңсеге қару тәрізді затпен кірген. Менеджерді қорқытып, қомақты қаржыны алып кеткен", - деп толықтырды полиция қызметкері.
Қазіргі уақытта анықталған факт бойынша ҚК-ның 191-бабы бойынша сотқа дейінгі тергеу басталды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
