+7 (777) 001 44 99
Қазақша
Русский
English
27 желтоқсан 2021 | 15:59
Шымкент тұрғыны мемлекетке бір миллиард теңге шығын келтірген
Қаржылық мониторинг агенттігі жалған шот-фактура жасаған Шымкент тұрғынының заңсыз әрекетін әшкереледі, - деп хабарлайды Tengrinews.kz тілшісі Қаржылық мониторинг агенттігі (ҚМА) баспасөз қызметіне сілтеме жасап.
ПОДЕЛИТЬСЯ
Қаржылық мониторинг агенттігі жалған шот-фактура жасаған Шымкент тұрғынының заңсыз әрекетін әшкереледі, - деп хабарлайды Tengrinews.kz тілшісі Қаржылық мониторинг агенттігі (ҚМА) баспасөз қызметіне сілтеме жасап.
Агенттіктің Шымкент қаласы бойынша аумақтық департаменті салық төлеуден жалтару мақсатында жосықсыз кәсіпкерлерге жалған шот-фактуралар жазып берген азамат А.Махатаевтың заңсыз әрекетінің жолын кесті.
Тергеу мәліметтері бойынша, А.Махатаев 2017-2020 жылдар аралығында өзінің туыстары мен таныстарының атына "Мейір құрылыс", "Тыныштық 2018", "Элит Капитель", "Магма-2018", "Ашимов и Ко", "AlatauK", "S-Industry", "Бес қасқа", "Жорға 2019", "Интертранссервис-2020", "Eхcellent", "Угам 2018", "005", "Эверест К" ЖШС деген 14 кәсіпорынды тіркеген.
"Аталған кәсіпорындар контрагенттерге төлемдерді төлеуден жалтаруға жәрдемдесу үшін құрылған. Бұл фирмалардың кеңселері, қызметкерлер штаты, өндірістік-техникалық базасы және қоймалық үй-жайлары болмаған. Заңсыз әрекеттердің нәтижесінде мемлекетке 1 миллиард теңгеден астам мөлшерде залал келтірілді", - делінген хабарламада.
А.Махатаев 4 жылға бас бостандығынан және 10 жылға кәсіпкерлік қызметпен айналысу құқығынан айырылды.
Келтірілген залал сомасы мемлекет кірісіне айналдырылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
