Шымкентте 1,1 миллиард теңгеге заңсыз мазут сатқандар ұсталды

Шымкентте жалпы құны 1,1 миллиард теңгеден асатын 8 мың тоннаға жуық мазутты заңсыз сату дерегі анықталды, - деп хабарлайды Tengrinews.kz тілшісі Қаржы мониторингі агенттігіне сілтеме жасап.

AФМ мәліметінше, екі кәсіпкер мазутты белгісіз біреулерден сатып алып, кейін оның шығу заңдылығын растайтын құжаттарсыз әртүрлі компанияларға заңсыз сатқан.

Сот үкімімен бұл тұлғалар кінәлі деп танылып, оларға 2 жыл 8 ай мерзімге бас бостандығынан айыру жазасы тағайындалды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!