+7 (777) 001 44 99
Қазақша
Русский
English
22 мамыр 2023 | 09:50
Шымкентте бірнеше телефонды қолды еткен атыраулық ер адам ұсталды
Атыраулық қалта ұры шымкенттіктердің 800 мың теңгесін тонап кеткен. Оқиғалар бейнебақылау камераларына түсіп қалған, - деп хабарлайды Tengrinews.kz тілшісі Polisia.kz сайтына сілтеме жасап.
ПОДЕЛИТЬСЯ
Атыраулық қалта ұры шымкенттіктердің 800 мың теңгесін тонап кеткен. Оқиғалар бейнебақылау камераларына түсіп қалған, - деп хабарлайды Tengrinews.kz тілшісі Polisia.kz сайтына сілтеме жасап.
Әл-Фараби ауданының полиция басқармасына жергілікті тұрғын ұрлық туралы арызбен жүгінді. Жәбірленушінің айтуынша, оның телефонын базарда сауда жасап жүргенде ұрлап кеткен.
Аталған жайтқа қатысты тергеушілер ҚР ҚК-нің 188-бабы (Ұрлық) бойынша сотқа дейінгі тергеуді бастады.
Полицейлер күдіктінің жеке басын анықтауға және оны ұстауға бағытталған барлық қажетті шараларды қабылдады. Бейнебақылау камераларынан жазбаларды тексеру кезінде жедел уәкілдер қалта ұрлығына күдікті адамды тапты.
Белгілі болғандай, ол қолындағы күртешесімен жәбірленушінің қалтасын жауып, сол жерден смартфонын алып, "ізін суытқан". Тәртіп сақшылары бейнекамералар мен куәгерлердің көмегімен ер адамның қозғалыс бағытын қадағалап, оны бірнеше сағат ішінде жалдамалы пәтерлердің бірінде ұстады. Ол Атырау облысының 41 жастағы тұрғыны болып шықты.
Тергеу барысында ұсталған адамның қала базарларындағы қалта ұрлығының тағы төрт жайтына қатысы бар екені анықталды. 1,5 айдың ішінде ол шымкенттіктердің жалпы құны 800 мың теңге тұратын телефондарын иемденіп алған.
Сондай-ақ ер адам бұрын осындай қылмыс жасағаны үшін сотталғаны анықталды. Қазір күдікті қамауда. Тергеушілер жәбірленушілердің саны артуы мүмкін екенін жоққа шығармайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
