Сотта есірткіге мас айыпталушы танысын ұшатын пышақ өлтіргенін айтқан

Шы?ыс ?аза?стан облысында бірге т?р?ан ер адамды ?лтірген ?йел сотталды. Сот кезінде ол пыша?ты? ?олына ?зі ?шып келіп, ?здігінен ер адам?а с??ыл?анын айт?ан, -деп хабарлайды Tengrinews.kz тілшісі.

Шығыс Қазақстан облысында бірге тұрған ер адамды өлтірген әйел сотталды. Сот кезінде ол пышақтың қолына өзі ұшып келіп, өздігінен ер адамға сұғылғанын айтқан, -деп хабарлайды Tengrinews.kz тілшісі.

Іс материалы бойынша, оқиға Алтайка ауылында болған. Жекеменшік үйде 39 жастағы жергілікті әйел өзімен бірге тұратын ер адам және туысымен бірге марихуанна шеккен. Оларға тағы бір таныстары келіп қосылады да, спайс ұсынады - синтетикалық есірткі.

Бұл есірткіні пайдаланған ауыл тұрғындарында галлюцинациялар басталады. Осы кезде әйел өзімен бірге тұратын ер адаммен жанжалдасып қалады. Сотта әйел ер адамның пышақпен өзіне тап бергенін айтқан.

Айыпталушының сөзінше, пышақ өздігінен оның қолынан ұшып шығып, әйелдің қолына келген. Сосын пышақ өздігінен ер адамға сұғыла берген. Әйел адам пышақты еш игере алмаған.

Сот бұл сөздерді сынға алды. Есірткіге масайған әйел ер адамды өзі өлтіргені анықталды. Әйел сегіз жарым жылға бас бостандығынан айырылды.