ШҚО-да есірткімен ұсталғандар 11 жылға сотталды

Шығыс Қазақстан облысындағы ҰҚК департаменті есірткі айналымымен айналысқан екі қазақстандықты анықтап, жолын кесті, - деп хабарлайды Tengrinews.kz тілшісі. 

© ҚР ҰҚК

Ұлттық қауіпсіздік комитетінің өкілдері Бейсембаев пен Ережеповтың 82 келі есірткі өткізбек болған жерінен ұстады. 

"Сонымен қатар, Ережеповтың гаражында және автокөлігінен тағы 32 келі есірткі мен 855 грамм гашиш тәркіленген", - деді ҰҚК өкілдері. 

© ҚР ҰҚК

Тәркіленген есірткілердің жалпы салмағы - 115 келі. 

20 тамызда Шығыс Қазақстан облыстық мамандандырылған ауданаралық қылмыстық сотында Бейсембаев пен Ережепов ҚР Қылмыстық кодексінің 297-бабы 3-бөлігі бойынша кінәлі деп танылып, 11 жылға бас босатандығынан айырылды.