Таразда белгісіз біреулер 46 жастағы әйелді ұрлап кетті

Жамбыл облысының полиция департаментіне бір әйел хабарласып, жақын туысы - Тараздың 46 жастағы тұрғыны кенеттен жоғалып кеткенін айтты, - деп хабарлайды Tengrinews.kz тілшісі.

Аталған факт бойынша Қылмыстық кодекстің 125-бабы ("Адам ұрлау") бойынша соталды тергеу басталды. Жамбыл облысы ПД жедел тергеу тобы құрылды.

"Жедел іздестіру іс-шараларының нәтижесінде полиция қызметкерлері екі күдіктіні анықтап, ұстады. Әйел Жамбыл ауданындағы ауылдардың бірінен табылды. Аталған қылмыстық істі тергеу менің ерекше бақылауымда", - деді Жамбыл облысы полиция департаментінің басшысы Жанат Сүлейменов.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!