+7 (777) 001 44 99
Қазақша
Русский
English
27 желтоқсан 2021 | 14:43
"Телефонына тыным жоқ". Алматы мен Нұр-Сұлтанда жалған пәтерлерді жалға берген ер адам ұсталды
Қостанайлық жедел уәкілдер Алматы мен Нұр-Сұлтанда жалған пәтерлерді жалға берумен айналысқан ер адамды ұстады, - деп хабарлайды Tengrinews.kz тілшісі Polisia.kz сайтына сілтеме жасап.
ПОДЕЛИТЬСЯ
Қостанайлық жедел уәкілдер Алматы мен Нұр-Сұлтанда жалған пәтерлерді жалға берумен айналысқан ер адамды ұстады, - деп хабарлайды Tengrinews.kz тілшісі Polisia.kz сайтына сілтеме жасап.
Ер адам Интернетте қолайлы баға ұсынып, хабарландырулар жариялаған. Арзан пәтерді алып үлгергісі келген азаматтар карта номеріне 5 мыңнан 50 мың теңгеге дейін мөлшерде алдын ала төлем жіберген. Байланыс тек WhatsApp арқылы жүзеге асырылған, "пәтерді жалға беруші" пәтер көрсетуді қандай да бір себептермен кейінге қалдырып немесе басқа уақытқа ауыстырып келген.
Қазір зардап шеккендер саны 50-ден асады. Полиция қызметкерлері бұдан да көп болуы мүмкін екенін айтты.
Жедел уәкілдер күдіктіден ұялы телефон тәркілеу барысында қоңырау көп түскеніне таңғалған. Телефонға келіп түскен қоңырау санында шек жоқ. Полиция қызметкері тұтқаны көтеріп, қоңырауға жауап бергенде ғана азаматтар алаяқ арбауына түскенін түсінген.
"Жалған хабарландыру, алаяқ алдағысы келді, іс жүзінде ешқандай пәтер жоқ деп бірнеше рет қайталауға тура келді", - дейді облыстық ПД криминалды Полиция басқармасының киберқылмыспен күрес бөлімінің қызметкері Малик Абеуов.
Қазір Солтүстік Қазақстан облысының 20 жастағы тұрғынына қатысты (Қостанай облысының аумағында бірнеше жыл тұрған) ҚР Қылмыстық кодексінің 190-бабы 2-бөлімі 4-тармағы бойынша соталды тергеу амалдары жүргізіліп жатыр. Сондай-ақ, оның осыған ұқсас басқа қылмыстарға қатысы тексерілуде.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
