Түркістанда лаңкестікке үндеген тұрғын сотталды

Есет Төлеш

КТК телеарнасының сюжетінен

Түркістан облысында лаңкестікке үндеп жүрген тұрғын сотталды, - деп хабарлайды КТК телеарнасы.

Кентау қаласының тұрғыны Азамат Аманжоловқа сот 6 жыл 2 ай мерзіміне үкім шығарды.

Мамыр айында Ұлттық қауіпсіздік комитеті ұстаған кентаулықтың елімізде тыйым салынған салафизм ағымын WhatsApp пен "ВКонтакте" желілері арқылы таратып жүргені белгілі болған.

Діндар кейпінде жүрген азамат есірткі құмарлығымен де құқық қорғау органдарына жиі ұсталған екен. Экстремизм мен терроризмге шақырып жүрген Аманжоловтың дүние-мүлкі тәркіленді, енді ол алдағы 6 жылын тәртібі барынша қатаңдатылған колонияда өтейді.