Түркістан және Шымкент қалаларында екі жасырын цех әшкере болды

Түркістан және Шымкент қалаларында алкоголь өнімін шығаратын екі жасырын цех анықталды, - деп хабарлайды Tengrinews.kz тілшісі Қаржы мониторингі агенттігіне сілтеме жасап.

ҚМА мәліметінше, Түркістан облысы бойынша ҚМА аумақтық департаментінің қызметкерлері жалған есепке алу-бақылау таңбаларын қолданып, алкоголь өнімін шығаратын 2 цех қызметін тоқтатқан.

"Жүргізілген жедел-іздестіру іс-шаралары барысында Түркістан және Шымкент қалаларында жалға алынған қоймаларда антисанитария жағдайында суррогат алкоголь өнімін өндіретін 2 жерасты цехы ұйымдастырылғаны анықталды", - делінген хабарламада.

Ведомство мәліметінше, бүгінде соталды тергеу амалдары жүргізіліп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!