06 қараша 2021 | 10:18

Түркістан облысында үй ауласындағы құдықтан ер адамның денесі табылды

Дина Шарипханова Корреспондент

Фото: polisia

Түркістан облысында үй маңындағы құдықтан ер адамның мәйіті табылды. Полицейлер адам өлтірді деген күдікпен оның жиенін ұстады, - деп хабарлайды Tengrinews.kz тілшісі Polisia.kz сайтына сілтеме жасап.

Түркістан облысында үй маңындағы құдықтан ер адамның мәйіті табылды. Полицейлер адам өлтірді деген күдікпен оның жиенін ұстады, - деп хабарлайды Tengrinews.kz тілшісі Polisia.kz сайтына сілтеме жасап.

Оқиға Келес ауданында болған. Ауыл тұрғыны жергілікті учаскелік полиция қызметкеріне хабарласып, жалғызбасты көршісі көптен бері көрінбегенін айтқан.

Мекенжайға жеткен учаскелік полиция қызметкері жан-жақты тексеріп, үй ауласында орналасқан құдық маңайында қан іздері барын байқаған. Екі метрлік құдық түбінен үй иесінің денесі табылады. Көршісі жоғалғанын хабарлаған тұрғын оны танып, жеке басын растаған.

Мәйітті құдықтан шығарғаннан кейін сот-медициналық сараптама тағайындалды.

"Бұл дерек Қылмыстық кодекстің 99-бабы "Адам өлтіру" бойынша тіркелді. Барлық мән-жайды анықтау үшін полицейлер марқұмның таныстары, туыстары, достары және көршілерінен жауап алды", - деді полицейлер.

Жәбірленушінің жиені жедел уәкілдер назарына іліккен. Полицейлер оны аудан орталығындағы көшелердің бірінде ұстады. Ер адам туысына қонаққа келгенде, олардың арасында жанжал шыққаны анықталды. Салдарынан жиені нағашысын ұрып өлтірген. Ізді жасыру үшін күдікті мәйітті құдыққа лақтырып, ізін суытқан.