+7 (777) 001 44 99
Қазақша
Русский
English
07 ақпан 2022 | 13:06
Түркістанда алаяқ мектептердің шотынан ақша ұрлаған
Түркістан облысы Шардара қаласында алаяқ мұғалімдердің шотынан өзіне ақша аударып алып отырған, - деп хабарлайды Tengrinews.kz тілшісі Polisia.kz сайтына сілтеме жасай отырып.
ПОДЕЛИТЬСЯ
Түркістан облысы Шардара қаласында алаяқ мұғалімдердің шотынан өзіне ақша аударып алып отырған, - деп хабарлайды Tengrinews.kz тілшісі Polisia.kz сайтына сілтеме жасай отырып.
Шардара аудандық полиция бөліміне Шардара қаласының бірнеше мектебінің шоттарынан, яғни мұғалімдердің жалақысынан басқа шотқа ірі соманы заңсыз аудару дерегі бойынша хабарлама келіп түскен.
"Жедел-іздестіру іс-шаралары нәтижесінде тәртіп сақшылары бір тәулік ішінде алаяқтың шоты мен күдіктінің жеке басын анықтады. Оның Алматыда екені белгілі болды. Шардара аудандық полиция бөлімінің қызметкерлері алаяқты ұстап, оны аудандық полиция бөліміне жеткізді", - делінген хабарламада.
Жас жігіт бұрын қаржы саласында жұмыс істегені белгілі болды. Былтыр қыркүйекте ол жұмыстан шығып, Алматыға келген.
"Жұмыссыз қалған жігіт "оңай жолмен" ақша тапқысы келген. Жеке деректерді пайдаланып, алаяқ 40-тан аса мұғалімнің жалақысын өз шотына аударған. Жәбірленушілерге келтірілген залалдың жалпы сомасы 17 миллион теңгеден асты. Айғақ ретінде күдіктіден 1,5 миллион теңге тәркіленді", - деді полиция қызметкері.
Бұл дерек Қылмыстық кодекстің "Алаяқтық" 190-бабы бойынша тіркелді. Күдікті қамауға алынды. Тергеу барысында алаяқтың басқа да қылмыстарға қатысы бар-жоғы анықталады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
