Айдын Айымбетов ХҒС-да жоспарланғаннан екі күн кем болады - БАҚ

Ұшуды басқару орталығы (ҰБО) "Союз ТМА-18М" ғарыш кемесінің Халықаралық ғарыш станциясына жақындау схемасын өзгертті. Енді кеме алты сағаттың орнына екі күнге жуық ұшады, - деп хабарлайды "Интерфакс-Казахстан". Айта кетейік, ғарыш кемесі 2 қыркүйекте "Байқоңыр" айлағынан ұшырылады.

"ХҒС орбитасына ұшу уақыты алты сағаттың орнына екі күнге өзгертілді", - деді агенттік өкілі. Сондықтан да 2 қыркүйекке жоспарланған орбитада түйісу сәті 4 қыркүйекке ұзартылды.

"Союза ТМА-16М" жерге қону уақыты 12 қыркүйек болып қалды", - деді агенттік өкілі. Сәйкесінше, ХҒС-да болу уақыты екі күнге қысқартылады.

Айта кетейік, қазақстандық ғарышкер Сергей Волков (Ресей ғарышы) және астронавт Андреас Могенсенмен (Еуропа ғарыш агенттігі) бірге Халықаралық ғарыш станциясына жіберіледі.