+7 (777) 001 44 99
Қазақша
Русский
English
30 қыркүйек 2020 | 16:25
АИТВ-дан жазылған алғашқы науқас қатерлі ісіктен қайтыс болды
13 жыл бұрын АИТВ-жұқпасынан жазылған алғашқы адам америкалық Тимоти Рэй Браун АҚШ-та қатерлі ісіктің қайталануынан кейін қайтыс болды. Бұл туралы оның Facebook-парақшасында жазылды, - деп хабарлайды РИА Новости.
ПОДЕЛИТЬСЯ
13 жыл бұрын АИТВ-жұқпасынан жазылған алғашқы адам америкалық Тимоти Рэй Браун АҚШ-та қатерлі ісіктің қайталануынан кейін қайтыс болды. Бұл туралы оның Facebook-парақшасында жазылды, - деп хабарлайды РИА Новости.
"Тимоти бес ай бойы лейкемиямен күресіп, бүгін 15:10-да менің және достарының қасында қайтыс болғанын өкінішпен хабарлаймын", - деп жазды оның серіктесі Тим Хеффген Facebook-парақшасында.
Браун "Берлиндік науқас" деп танылған, оған 2007 жылы донорлық жілік майы трансплантациясын жасаған. Трансплантация қатерлі ісікті емдеу үшін жасалған, бірақ сонымен бірге АИТВ-инфекциясын жеңуге көмектесті. Содан бері Браунда АИТВ белгілері байқалмаған. 2019 жылы лейкемия оралған. БАҚ мәліметінше, Браун соңғы кездері Калифорниядағы хосписте болған.
2020 жылы наурызда дәрігерлер АИТВ-дан екінші науқас жазылғанын растаған. New York Times басылымы аурудан жазылған "Лондондық науқастың" Венесуэла тумасы, 40 жастағы Адам Кастильехо екенін хабарлаған. Ол 2003 жылдан бері АИТВ-инфекциясымен күрескен, ал 2012 жылы қатерлі Ходжкин лимфомасы диагнозы қойылған. Браун сияқты оған да донорлық жілік майы трансплантациясы жасалған.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
