+7 (777) 001 44 99
Қазақша
Русский
English
19 қазан 2021 12:44
АҚШ-та COVID-19-ға қарсы ревакцинацияда түрлі екпелерді қолдануға рұқсат етілді
Америкалықтарға коронавирусқа қарсы түрлі өндірушілер шығарған екпенің қосымша дозасын алуға рұқсат берілді, - деп хабарлайды Tengrinews.kz тілшісі Daily Mail сайтына сілтеме жасап.
ПОДЕЛИТЬСЯ
Америкалықтарға коронавирусқа қарсы түрлі өндірушілер шығарған екпенің қосымша дозасын алуға рұқсат берілді, - деп хабарлайды Tengrinews.kz тілшісі Daily Mail сайтына сілтеме жасап.
Азық-түлік және дәрі-дәрмек басқармасы (FDA) азаматтарға COVID-19-ға қарсы алғаш алған вакцинадан басқа өндірушінің препаратын алуға рұқсат берді.
Келер аптада Johnson & Johnson мен Moderna компанияларының препараттары ревакцинацияға рұқсат етіледі деп жоспарланып отыр және вакцинаның күшейткіш дозасын ала алатын АҚШ тұрғындарының қатары көбейеді. Сондай-ақ, басында алған вакцинаны шығарған өндіруші компанияның препаратын да қайта алуға болатыны айтылды.
Ұлттық денсаулық сақтау институтының (NIH) зерттеушілері FDA консультативтік комитеті отырысында Johnson & Johnson вакцинасын алған адамда антиденелердің деңгейі Pfizer-BioNTech немесе Moderna препаратын салғаннан гөрі жоғары екені көрсетілгеннен кейін осындай шешім шығарылды.
Дүниежүзілік денсаулық сақтау ұйымы басында бұған қарсы болса да, иммунитеті әлсіз адамдарға вакцинаның үшінші дозасын ұсынған.
Еске салайық, Қазақстанда коронавирусқа қарсы қайта вакцинациялау тәсілдері әзірленген. Денсаулық сақтау министрі Алексей Цой Sputnik V вакцинасын алған қазақстандықтарды Sputnik Light-ты қайта сала алатынын айтқан.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
