Алматы облысында вирусқа қарсы дәрілер тегін таратылады

Алматы облысында 50 миллион теңгенің дәрісі тегін таратылады, - деп хабарлайды Tengrinews.kz Inalmaty-ға сілтеме жасап.

Бұл туралы Алматы облысы әкімінің орынбасары Батыржан Байжұманов дәрілер сақталған көтерме қоймаларды аралаған кезде айтты.

"Алматы облысы әкімі Амандық Баталовтың бұйрығына сәйкес, жергілікті бюджеттен дәрілік заттарды сатып алу үшін қосымша 500 миллион теңге бөлінді. Бұдан бөлек 50 миллион теңгеге вирусқа қарсы препараттарды сатып алу жоспарланып отыр. Кейін олар қаупі жоғары топтағы азаматтарға тегін таратылады. Олар - егде жастағы адамдар, созылмалы ауруы бар тұрғындар және азаматтардың басқа да санаты", - деді Байжұманов.

Еске салайық, бұған дейін еліміздің бірнеше өңірінде дәрі тапшылығы болып, қазақстандықтар шағымданған еді.

Қазақстан жаңалықтары. Соңғы жаңалықтар. Telegram желісінде бізге жазыл!