+7 (777) 001 44 99
Қазақша
Русский
English
25 қаңтар 2021 | 11:45
Дәрігер қорқор шегетіндерге қатерлі ісік қаупі туралы ескертті
Ресейлік дәрігер және тележүргізуші Александр Мясников қорқор темекіге қарағанда зиян екенін айтты. Оның айтуынша, көп адам қорқорды темекі шегудің қауіпсіз әдісі деп санайды, - деп хабарлайды Tengrinews.kz тілшісі РИА Новости басылымына сілтеме жасап.
ПОДЕЛИТЬСЯ
Ресейлік дәрігер және тележүргізуші Александр Мясников қорқор темекіге қарағанда зиян екенін айтты. Оның айтуынша, көп адам қорқорды темекі шегудің қауіпсіз әдісі деп санайды, - деп хабарлайды Tengrinews.kz тілшісі РИА Новости басылымына сілтеме жасап.
"Шындығында, адам денсаулығына қорқордың бір жұтымынан бір жарым қорап темекі шеккенмен тең зиян келеді", - деп түсіндірді Мясников.
Дәрігер ұсақ түтін бөлшектерін жұту өкпе қатерлі ісігін тудыруы мүмкін екенін айтты.
"Біз жанған микробөлшектерді түтінмен бірге жұтамыз. Одан өкпеде шағын күйіктер пайда болады. Ол кейіннен өкпе қатерлі ісігін тудыруы мүмкін", - деді ол.
Оның айтуынша, темекі шегудің қауіпсіз түрі жоқ, бұл түтік пен темекіге де қатысты. Дәрігер олар ауыз қуысының қатерлі ісігін өршітетінін айтты.
Айта кетейік, 2020 жылдың тамызында Қазақстанда темекі шегуге тыйым салынған орындар тізімі кеңейтілді. Қазір жабық аялдамаларда, ойын алаңдарында, метро және жерасты өткелдерінде темекі шегуге болмайды. Сондай-ақ, электронды темекі, қорқор және темекі өнімдерінің барлық түрін қолдануға болмайды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
