Дәрігер D дәруменінің қаупін атады

Ресейлік дәрігер Надия Фролова "Говорит Москва" басылымына берген сұхбатында D дәруменін қабылдаудың қаупін айтты, - деп хабарлайды Tengrinews.kz тілшісі.

Дәрігердің айтуынша, D дәруменін тек қандағы фосфор мен кальций деңгейін тексерген соң қабылдау керек. Себебі ол бауырды зақымдауы мүмкін дейді.

"Кальций мөлшерден тыс болған жағдайда бауыр қатты зақымдалуы мүмкін. Мен оны ішпеңдер деп айтым жатқаным жоқ, тек алдын ала қан тапсырып, тексерілген соң қабылдай бастау керек. D дәруменін қабылдап жүрген адам ағзасында кальций қанша екенін білуі керек", - дейді дәрігер.