ДДҰ басшысы: коронавирусқа қарсы мінсіз құрал жоқ, болмауы да мүмкін

Дүниежүзілік денсаулық сақтау ұйымының бас директоры Тедрос Адханом Гебрейесус бүгінде коронавирусқа қарсы тұра алатын мінсіз құрал жоғын, ол алдағы таңда да пайда болмауы мүмкін екенін мәлімдеді, - деп хабарлайды РИА Новости. 

"Бірнеше вакцина әлі клиникалық сынақтың үшінші фазасында тұр, бәріміз соның ішінде тиімді вакцинаны анықтап, адамдардың ауру жұқтыруының алдын ала аламыз деп үміттенеміз", - дейді ол дүйсенбідегі брифинг барысында. 

"Алайда бүгінде мінсіз құрал жоқ, ол пайда болмауы да мүмкін", - деді ДДҰ бас директоры.

Оның айтуынша, коронавирустың тарауын алдын алу үшін қажет шараларды қолдану керек. 

Еске салайық, Дүниежүзілік денсаулық сақтау ұйымы 11 наурызда коронавирусты пандемия деп жариялаған. ДДҰ соңғы мәліметтері бойынша, дүние жүзінде коронавирус жұқтырған 17,6 миллион адам анықталған, 680 мың адам қайтыс болған. 

Қазақстан жаңалықтары. Соңғы жаңалықтар. Telegram желісінде бізге жазыл!