Ғалымдар қатерлі ісіктің алдын алатын өнімді атады

Ғалымдар органикалық өнімдердің ісіктің кейбір түрлерін алдын алатынын анықтады, - деп жазады The Independent.

Француз ғалымдары 2009-2016 жылдар аралығында жүргізген зерттеуге шамамен 70 мың адам қатысты. Олар рациондағы органикалық өнімдердің мөлшері бойынша төрт топқа бөлінді. Зерттеуде онкологияның пайда болуы қаупін арттыратын басқа да факторлар ескерілді.

Нәтижесінде органикалық өнімдерді көп мөлшерде қолданғандарда ісікке шалдығу қаупі басқаларға қарағанда 25 пайызға аз екені анықталды.

Зерттеу авторларының сөзіне қарағанда, органикалық өнімдерді көбірек қолданатын адамдардың организміне ауыл шаруашылығында қолданылатын пестицидтің аз мөлшері түседі.

Онкологиялық ауруларды сумен анықтау әдісі табылды