Комаровский коронавирустың жаңа штаммы туралы видео түсірді

Танымал дәрігер Евгений Комаровский YouTube-тегі арнасында Ұлыбританияда жарияланған коронавирустың жаңа штаммы туралы айтты. Ол вирустан қорғану үшін қолданыстағы ережелерді сақтау керегін түсіндірді, - деп хабарлайды Tengrinews.kz тілшісі.

Комаровскийдің айтуынша, бұған дейінгі вирустан 70 пайызға жұқпалы жаңа штамм растауды қажет етеді. Ол вирустың таралуын қазір бағалау қиын екенін айтты, себебі жұқтырғандар аз.

"Ауамен тыныстағанда вирустарды жұқтыру ықтималдығын азайту үшін не істеу керек: маска қолданыңыз, адамдардан аулақ болыңыз, адамдар көп және оттегі аз, яғни желдету жоқ жерлерге бармаңыз", - деді Комаровский.

Ол сонымен қатар Ұлыбританиядағы коронавирустың мутацияға ұшырауы вакцинаның тиімділігіне әсер етпейтінін айтты.

"Ұлыбритания мутация орталығына айналды, өйткені оларда вирустарды анықтап қана қоймай, олардың құрылымын белсенді түрде қарастыратын вирусологиялық қызмет бар. Сондықтан тауып отыр", - деді ол.

Посмотреть эту публикацию в Instagram

Публикация от Доктор Комаровский (@doctor_komarovskiy)

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!