Қатерлі ісікпен күресетін вакцина жасалды

Калифорния университетінің ғалымдары қатерлі ісік жасушаларымен күресетін және обырға қарсы иммун жүйесін күшейтетін модификацияланған генетикалық вирус жасады. Бұл туралы ақпарат MedicalXpess журналында жарияланды. 

Pexa-Vec аталатын онкологиялық вирус сиыр шешегінің модефикацияланған түрі. Сонымен қоса, оған иммун жасушаларының өсуіне түрткі болатын пептидті молекула қосылған. Оның үстіне вирустан киназа тимидині атты ген алып тасталды, осы арқылы инфекциялық агент тек қатерлі ісік жасушаларында тарайды.

Pexa-Vec қатерлі ісіктің өсуіне қажетті қан тамырларының өсімін шектейтіні дәлелденді. Вакцинаны ісіктің өзіне ғана емес, тамырға да сала беруге болады екен. Осы арқылы вирус бастапқы кезеңдегі қатерлі ісікті ғана емес, өзге жерлерге тараған метостазаға да шабуыл жасауына мүмкіндік береді. 

Pexa-Vec ұйқы безінің нейроэндокринді обырына шалдыққан тышқандарға сыналды. Тәжірибе кезінде вирус сау органдарға зиян келтірмегені байқалған. Ондағы инфекциялық агент қатерлі ісіктің бір бөлігін ғана жойған, ал оның иммунды жүйенің күшеюіне түрткі болуы қатерлі ісікті толық жойған екен.