Шымкентте ер адамға марқұмның органы ауыстырылды

Марқұмның туыстары оның ішкі ағзасын донор ретінде пайдалануға рұқсат берген. 44 жастағы шымкенттік тұрғынға бауыр ауыстырылды, - деп хабарлайды Tengrinews.kz тілшісі 24.kz сайтына сілтеме жасап.

Бұл Шымкентте мәйіт донордан жасалған алғашқы бауыр трансплантациясы. Операция шамамен алты сағатқа созылған. Кешенді трансплантацияны қалалық клиникалық аурухана дәрігерлері жүргізді.

Бұрын дәрігерлер тек тірі донорлармен жұмыс істеген. Бірақ осы жолы қайтыс болған адамның органдарын пайдалануға мүмкіндік болған, оған марқұмның туыстары ресми келісім берген. Операция 44 жастағы ер адамға жасалған. Оның жақын туыстары арасынан донор табылмаған екен.

Денсаулық сақтау басқармасы мәліметінше, қазір науқастың жағдайы жақсы. Сондай-ақ, донардың басқа органдары арнайы рейспен елордаға жөнелтілген. Олар мұқтаж науқастарға ауыстырылады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!