13 жастағы бала Балқаш көлінде суға батып кетті

4 шілдеде 13 жастағы бала Балқаш көлінде суға батып кетті. Оның денесін қала тұрғындары тауып алды, - деп хабарлайды Tengrinews.kz тілшісі.

Облыстың төтенше жағдайлар департаментінің өкілдері баланың денесі Балқаш қаласының шетінде жүзуге жабдықталмаған жерде табылғандығын хабарлады.

"Оқиға жайлы бізге денеге ұқсас бір затты байқаған қала тұрғындары хабарлады, - дейді ведомство өкілі Жанна Дауренбекова. - Біздің қызметкерлер сол жерге аттанып, сағат 16.27-де жасөспірімнің денесін судан алып шықты". 

Қарағанды облысы төтенше жағдайлар департаментіндегілер рұқсат етілмеген жерлерде шомылу қаупін еске салады. 

"Жабдықталмаған жағажайдағы тазартылмаған су түбі, күшті ағын мен иірім және т.б. қауіпті болуы мүмкін.  Шомылу қаупі құтқару стансаларының  да болмауымен байланысты", - деді Дәуренбекова.

Құтқарушылар шомылу кезінде қауіпсіздік ережесін ұстануды, балаларды қараусыз қалдымрмауды, шектелген жерден ары жүзіп кетпеуді сұрайды.