Ақмола облысында жабайы аң кесірінен бірден екі жол апаты болды

Ақмола облысында жабайы аңның республикалық тас жолға шығуына байланысты бірден екі жол апаты болды. 38 жастағы жүргізуші зардап шекті, - деп хабарлайды Tengrinews.kz тілшісі.

Polisia.kz мәліметінше, апат 18 қыркүйекте таңғы сағат 07:00 шамасында болған.  

Полицейлер мәліметінше, жабайы бұлан республикалық Нұр-Сұлтан - Петропавл тас жолына шығып кеткен. Салдарынан бірден екі автокөлікке механикалық зақым келген, ал олардың бірінің жүргізушісі түрлі жарақатпен емдеу мекемесіне жатқызылды.

Қазіргі уақытта Бурабай ауданының полиция бөлімінің анықтаушылары оқиғаның барлық мән-жайын анықтап жатыр.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Сілтемесіз жаңалық оқисыз ба? Онда Telegram желісінде парақшамызға тіркеліңіз!