Ақмола тұрғынынан 6 келіден аса есірткі тәркіленді

Ақмола тұрғынынан 6 келіден аса есірткі тәркіленді, - деп хабарлайды Tengrinews.kz тілшісі polisia.kz-ке сілтеме жасап.

Шлде айының басында "Қарасора-2023" ЖПІШ өткізу кезінде облыс орталығының 45 жастағы тұрғыны ұсталып, оның пәтерін тінту барысында салмағы 6 келі 324 грамм кептірілген марихуанасы бар 24 түйін және салмағы 17 грамм екі гашиш түйіні тәркіленді.

Сонымен қатар, тінту кезінде диванның астынан салмағы 2 келіден асатын қарасора тұқымдары бар майонез шелектері табылды. Ұсталған адамның айтуынша, ол есірткіні жеке пайдалану үшін сақтаған.

ҚР ҚК 296-бабы 4-бөлігі "Ірі мөлшерде есірткі құралдарын заңсыз сақтау" бойынша соталды іс жүргізу басталды. Ұсталған адамға 3 жылдан 7 жылға дейін бас бостандығынан айыру қаупі төніп тұр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!