Ақтау әуежайында шетелге доллар әкетпек болған қазақстандық ұсталды

Ақтау әуежайында Қазақстан азаматы декларацияланбаған валютамен ұсталды. Бұл туралы "Лада" басылымына Маңғыстау облысы бойынша Шекара қызметі департаментінің баспасөз қызметі хабарлады, - деп хабарлайды Tengrinews.kz тілшісі.

Қазақстандық азамат Ақтаудан Грузияға декларацияланбаған 15 мыңнан аса долларды заңсыз алып кетпек болған. Ер адам қамауға алынды. Материалдар Маңғыстау облысы бойынша Мемлекеттік кірістер департаментіне тапсырылған.

"Мән-жайды анықтау барысында ұсталған азамат Қазақстаннан Грузияға бара жатқаны анықталды. 15 650 АҚШ доллары сомасындағы декларацияланбаған валютаны әкету әрекеті анықталды", - деді Шекара қызметінің Маңғыстау облысы бойынша департаменті өкілдері.

Сілтемесіз жаңалық оқисыз ба? Онда Telegram желісінде парақшамызға тіркеліңіз!