Ақтауда 24 жастағы қыз көпқабатты үйдің терезесінен құлап кетті

Ақтауда көпқабатты үйдің терезесінен құлап кеткен қыз қайтыс болды, - деп хабарлайды Tengrinews.kz тілшісі lada.kz сайтына сілтеме жасап. 

Қайғылы оқиға 15-шағынауданда болған. Куәгерлердің айтуынша, қыз 15-шағынаудандағы "Оазис" тұрғын үй кешенінің 15-қабатындағы пәтер терезесінен құлап кеткен.

Полиция департаменті 29 желтоқсанда сағат 17:58-де шақырту түскенін мәлімдеді. Марқұм 24 жаста екені айтылды.

Ведомство өкілі қазір осы дерек бойынша жедел тергеу тобы жұмыс істеп жатқанын айтты.

Бұған дейін Алматыда әйел 12-қабаттан секіріп кеткені хабарланды. Кейінірек қалалық полиция қызметкерлері өзіне қол жұмсау дерегін растаған еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!