Ақтауда жол апатынан көлік төңкеріліп, екі адам зардап шекті

Ақтауда жол апаты болып, жеңіл көлік төңкеріліп қалды. Оқиға салдарынан екі адам зардап шекті, - деп хабарлайды lada.kz. 

Жол апаты 29, 30, 31 және 32-шағынаудандар арасындағы бұрылыста болған. Полиция департаменті мәліметінше, 31 мамырда түнгі сағат 23:50 шамасында "102" кезекші пультіне шақырту түскен.

Mercedes-Benz C240 жүргізушісі Mercedes-Benz E-280-мен соқтығысып, бағдаршам жасыл жанып тұрғанда, маневр жасаған.

Зардап шеккен екі адам Маңғыстау облыстық ауруханасына жеткізілген. Олар медициналық көмек көрсетілгеннен кейін үйлеріне жіберілген.

Басылым мәліметінше, тергеу амалдары жүргізіліп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!