Ақтауда көлікпен жарысып, апатқа ұшырағандарды полиция іздестіріп жатыр

Маңғыстау облысының полицейлері Ақтаудағы көлік жарысына қатысқандарды іздестіріп жатыр, - деп хабарлайды Tengrinews.kz тілшісі ІІД-нің баспасөз қызметіне сілтеме жасап.  

Жарыстың видеосы Желіде жарияланған болатын. Ролик Lada.kz порталындағы "Халық жаңалықтары" айдарына орналастырылған. 

Жарысқа қатысқан көліктегі камераға түсірілген видеода екі көліктің жарысқаны көрінеді. Видео авторы бәсекелесін қарсы бағытқа шығып, басып озады. Мұның аяғы жол-көлік оқиғасына әкеледі. Осы жерде видео үзіліп кеткен. 

Айта кетейік, Желідегі видеода жарысқа қатысқан екінші көліктің нөмірі көрінбейді.