Ақтөбе облысында әкім өлі табылды

Ақтөбе облысында Темір қаласының әкімі өлі табылды, - деп хабарлайды Tengrinews.kz тілшісі.

Бұған дейін бірқатар БАҚ әкім Еркін Далмагамбетовтің мәйіті 20 желтоқсанда кешке өз үйінің ауласынан табылғанын хабарлаған болатын.

Ақтөбе облыстық Полиция департаменті әкімнің қаза тапқаны туралы ақпаратты растады. Оқиға бойынша тергеу басталған.

"Полиция суицид дерегі бойынша сотқа дейінгі тергеу жұмыстарын бастады. Оқиғаның мән-жайы анықталып жатыр. ҚР ҚПК-нің 201-бабына сәйкес өзге ақпарат жарияланбайды", - деп хабарлады Ақтөбе облыстық Полиция департаменті.

Айта кетейік, Темір қаласы әкімдігінің ресми сайтында қала әкімі ретінде Еркін Далмагамбетов көрсетілген. Ресми деректерге сәйкес, ол 2024 жылдың маусымында Темір қаласының әкімі болып тағайындалған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!