Ақтөбе облысындағы тікұшақ апатына қатысты қылмыстық іс қозғалды

Ақтөбе облысындағы тікұшақ апатына қатысты қылмыстық іс қозғалды, - деп хабарлайды Tengrinews.kz тілшісі ІІМ баспасөз қызметіне сілтеме жасап.

9 қарашада Ақтөбе облысындағы аэродром аумағында оқу-жаттығу ұшуларын орындау кезінде МИ-8 тікұшағы қатты қонып, артынша отын бактары өртенген.

"Осы дерек бойынша қылмыстық іс қозғалды. Оқиға орнында тергеу органдары жұмыс істеп жатыр", - деп жазылған ҚР ІІМ ӘТД Батыс өңірлік әскери-тергеу басқармасы хабарламасында.

Айта кетейік, 9 қарашада сағат 11:40-та 112 нөміріне Ақтөбе облысы Мәртөк ауданы Сарыжар ауылының аумағында тікұшақ қатты қарқынмен қонғаны туралы хабарлама түскен. Оқиға салдарынан бір адам қаза тапты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!