Ақтөбеде жол талғамайтын көлік аударылды: жүргізуші қаза тапты

Ақтөбеде Toyota Land Cruiser жолдан шығып кетіп, аударылды. Салдарынан жүргізуші қаза тапты, - деп хабарлайды Tengrinews.kz тілшісі.

Жол апаты 13 тамызда сағат 17.20-да Покровка-Жаңажол тасжолында болды. 

Ақтөбеден Темір ауданының Кеңқияқ кентіне қарай бағыт алған Toyota Land Cruiser автокөлігінің 45 жастағы жүргізушісі Темір қаласының маңындағы Покровка-Жаңажол жергілікті маңызы бар автожолының 21-шақырымында көлігін басқара алмай, оң жаққа аударылғаны анықталды.

Фото: Ақтөбе облысы ПД баспасөз қызметі

Апат салдарынан көлік жүргізушісі оқиға орнында көз жұмды, ал 46 жастағы жолаушы Кеңқияқ ауылдық ауруханасына жатқызылды.

ҚР ҚК 345-бабы, 3-бөлігі "Абайсызда адам өліміне әкеп соққан жолда жүру ережесін бұзу" бойынша тергеу жүріп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!