Ақтөбеде жүргізуші қыз автобус аялдамасын қағып кетті

Ақтөбеде 25 жастағы жүргізуші қыз аялдамаға соқтығысты, - деп хабарлайды Tengrinews.kz тілшісі Ақтөбе облысы полиция департаментінің баспасөз қызметіне сілтеме жасап.

Апат 3 желтоқсанға қараған түні болған.

"BMW көлігінің 25 жастағы жүргізушісі әуежайдан Бөгенбай батыр даңғылы бойымен жүріп бара жатып, жол белгісі мен аялдаманы қағып кетті", - деді полиция қызметкерлері.

Бойжеткен зардап шекті, ол Ақтөбе жедел медициналық жәрдем ауруханасына жеткізілді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!