Ақтөбеде қорап ішінен жаңа туған нәресте өлі табылды

Ақтөбеде қорап ішінен жаңа туған нәрестенің мәйіті табылды, - деп хабарлайды Tengrinews.kz тілшісі.

Polisia.kz мәліметінше, 19 желтоқсанда сағат 22:05-те полицияға Ғазиза Жұбанова көшесіндегі көпқабатты үйдің жанынан қағаз қорапқа салынған баланың өлі денесі табылғаны хабарланған.

Осы дерек бойынша оқиға орнына жедел тергеу тобы жіберіліп, жаңа туған ер баланың мәйітін анықтады. ҚР ҚК-нің 100-бабы ("Ананың жаңа туған баланы өлтіруі") бойынша соталды тергеу басталды.

Сот-медициналық сараптама тағайындалды. Ананың жеке басын анықтау үшін жедел іс-шаралар жүргізіліп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!