Ақтөбелік оқушы қыздардың төбелесі түсірілген видео тарады

Әлеуметтік желілерде ақтөбелік оқушы қыздардың төбелесі түсірілген видео тарады, - деп хабарлайды Tengrinews.kz тілшісі.

Бұл оқиға Ақтөбе облысы Темір ауданы Шұбаршы ауылында болған. Кадрларынан бірнеше оқушы қыздың сыныптасын ұрып-соғып жатқаны көрінеді. 

Темір аудандық полиция басқармасындағылар бұл деректің тексеріліп жатқанын айтты.

"Алдын ала мәліметтер бойынша, үш 9-сынып оқушысы сыныптастарын азғындық әрекеті үшін ұрып-соғып, барлығын ұялы телефон камерасына жазып алған.

Кәмелетке толмағандар ісі жөніндегі инспекторлар ауданның білім беру мекемелерінде профилактикалық әңгімелер өткізді", - деді  Ақтөбе облысы ПД баспасөз қызметіндегілер.

Қазақстан жаңалықтары. Соңғы жаңалықтар. Telegram желісінде бізге жазыл!