Алматы барахолкасындағы аяқ киім қоймасынан шыққан өрт сөндірілді

Алматы барахолкасындағы аяқ киім қоймасында шыққан өрт сөндірілді, - деп хабарлайды Tengrinews.kz тілшісі ҚР ІІМ ТЖК ресми өкілі Руслан Иманқұловқа сілтеме жасап.

"Тікұшақтар 35 рет әуеден су құйды, бұған 100 тоннадан аса су қажет болды. Өрт Астана уақыты бойынша 21.55-те толықтай сөндірілді. Өрт үш мың шаршы метр аумаққа таралды. Қаза болғандар мен зардап шеккендер жоқ", - деді Иманқұлов.

Осыған дейін өрттің 18.43-те ауыздықталғаны хабарланған еді.

© ҚР ІІМ ТЖК баспасөз қызметі