Алматы метросында қызметке көңілі толмаған жолаушы шу шығарды

Алматы метросында белгісіз жолаушы эскалатордың жұмыс істемей тұрғаны үшін шу шығарды. Оқиға бірнеше куәгердің көз алдында болды, олар оқиғаны видеоға түсіріп алды. Ролик таяуда YouTube видеохостингі мен әлеуметтік желілерде пайда болды.

Метро қызметкерлері мен жолаушының қақтығысының қашан болғаны анықталмады. Кадрларда жігіттің қызметкерлердің бірін тәртібі үшін жұмыстан шығарып жіберетінін айтқаны естіледі. Ол айғайлап, қосымша эскалаторды қосуды бұйырып, ұрысады. 

Алматы метрополитені бұл жайтқа қатысты әзірше түсінік берген жоқ.

Ескерту! Видеода былапыт сөз айтылады!