Алматы облысы прокурорының көмекшісі ұсталды

Алматы облысы прокурорының көмекшісі пара алды деген күдікпен ұсталды, - деп хабарлайды Tengrinews.kz тілшісі ҚР Бас прокуратурасының баспасөз қызметіне сілтеме жасап.  

"24 қарашада Алматы қаласында Бас прокуратураның Ішкі тергеу департаментінің бастамасымен және жемқорлыққа қарсы қызметтің қолдауымен "Пара алу" бабы бойынша қылмыстық іс жасады деген күдікпен Алматы облысы прокурорының көмекшісі ұсталып, уақытша ұстау абақтысына қамалды", - делінген хабарламада. 

Бас прокуратура тергеуді өз қолына алғаны аталып өтілді. Тергеу мүддесі үшін өзге мәліметтер әзірше жарияланбайды.