Алматы облысында қар аралас жаңбыр ауылды жарықсыз қалдырды

"22 мамыр күні Алматы облысының Райымбек ауданында соңы қарға айналған жаңбыр электр сымдарының үзілуіне себеп болды" деп хабарлайды Tengrinews.kz ҚР ТЖМ баспасөз қызметіне сілтеме жасап.

Жалаңаш, Кіші Жалаңаш, Тоғызбұлақ және Жайдақбұлақ ауылдарында 1413 абонент жарықсыз қалды. Апат салдарын жою жұмыстары жүргізілуде. Төтенше жағдай орын алған жерлерде комиссия жұмыс істеп жатыр.

Естеріңізге сала кетсек, 20 мамыр күні Семейде қар жауып, тұрғындарды әбігерге салған болатын. Енді, қала тұрғындары қар астында қалған жеміс-жидек егісінің өнімін көре алмаймыз ба деп алаңдап отыр.