Алматы облысында үш адам гербицидтен уланды

Алматы облысы Шеңгелді ауылының үш тұрғыны егістікті өңдеу кезінде гербицидтен уланды, деп хабарлайды Tengrinews.kz тілшісі ҚР Төтенше жағдайлар министрлігінің баспасөз қызметіне сілтеме жасап.

Бұл оқиға 27-сәуір күні сағат 13:30-да орын алған. 21, 25 және 30 жастағы зардап шегушілер ауруханаға жатқызылды.

Жұмысшылар "Стомп" гербицидін қолданғаны хабарланған. Оны олар арам шөпке қарсы пайдаланған. Негізі бұл препаратты картошка, соя, қызанақ және жүгері егер кезде пайдаланады.